suki's profile私は私だ@Ŝůķï 一切都不像你想像的那麼完美...PhotosBlogListsMore  |  Tools Help |
私は私だ@Ŝůķï 一切都不像你想像的那麼完美，也都不像你策劃的那麼順利，接受不完美才有勇氣面對現實，因為命運並非全部掌握在你自己手裡。不必追求完美，你會少一些抱怨，多幾分灑脫，在豁達的心目中坦然地走你人生路。不要因為完結而哭，要為曾經發生而微笑。知足常樂!! |
||||||||||||||||||||
|
October 30 亂到我唔信今日只可以用一個"亂"字作總結
係人多搞到我咁呢
定係我冇經驗搞到我咁呢
定定係我能力有問題呢
唉...究竟今日我係咪獨立管一邊ga
點解冇人通知聲ge 搞到我一d心理準備都冇
其實講咁多都冇用
我諗多半係能力ge問題
睇緊呢篇野ge你應該都咁認為ga la
唉...自己應該要搞好ge野搞唔好比到人麻惱ge感覺真係唔好
唉...我竟然理多個都唔得
雖然係重症je 但係我唔可以因為佢而唔理其他人ga ma
雖然check過晒冇漏野 但點解放工時都會咁不安ge
事實就係因為實在太亂la 亂到我唔相信呢個係真ge景象
又或者我將理唔到戈d交左比下一班掛
究竟有冇人話比我聽係多人ge時候係咪都會出現一個亂字ga October 16 培訓賠訓不知不覺咁樣就過左一半ge培訓la
第一個月ge門診打針室
兩個幾月後ge門診外科洗傷口捽指趾生活一個星期
適應左一個環境冇耐又要適應第二個
好la 完左外科ok適應後又到第三波 急診培訓
聽到又要適應新環境 忽然好沮喪
因為將要熟悉後又要離開重新了解ge感覺實在太難頂la
究竟要賠上幾多訓覺時間先完成呢半年ge培訓生活呀
培訓賠訓 我可唔可以話夠la就停止呢
應該係最後一站ge急診
係我賠訓最多ge時間
除左因為新環境+工作內容令我精神緊張到爆燈外
又要顧住每週ge問書+notes
最攞命就係一波未停就再嚟多一波 草病例
我想話依家係要培訓 而唔係要我賠訓囉
質量極都有限la
佢地都癲癲地ge
唔想陪你地玩呀
我ge情緒波動得咁勁真係多得你唔少呀
突然精神 突然專心 突然輕鬆 突然失落 突然呆滯 n個突然
雖然我真係好掛住天堂
但係繼續咁落去我驚我真係飛左去第三世界囉
stop!stop!stop! October 13 做自己想做的前晚因為失眠
由二點多輾轉到五點多終於入睡了
點解會失眠
大概歸咎於睡前一直做緊d唔係咁想做geAED NOTES掛
因為一落床閉起雙眼d內容係咁滿天飛
所以搞到我好鬼清醒
既然訓唔到
就決定做返d想做ge野
翻開左一本我覺得自己買啱左ge書
其中一篇"建造只屬於自己的快樂王國"
『......
細數人們做的最愚蠢的事情，有如下幾件：
為了拼命賺錢失去了健康, 繼而為了恢復健康花掉了所有賺來的錢
感到自己被愛束縛很可憐, 而穫得自由後卻由於沒有人來約自己, 又感到可憐了
總是說只要拿到這個資格證後, 就怎樣怎樣, 總是說考試一結束, 我就去讀喜歡的書, 可是一切真的結束後卻甚麼都不想做了
一輩子緊緊攥着賺來的錢, 從不捨得為自己花上一分, 就這樣直到死去
享受幸福的時刻是現在這一瞬間, 但卻有人想把幸福儲存起來然後一次花掉
.....』
然後就成個人鬆晒訓左lu September 18 繼續小朋友, 可以嗎?"...我們都默許, 太遠的煩惱現在暫時不想, 可是又怎樣..." (李宇春 一點一點)
這就是生活在現今社會的橂樣
"...發現快樂的秘訣了。那就是活在現在, 不要悔恨過去, 也不要期待未來, 而是在現在這一刻做最棒的自己..." (長腿叔叔)
可是太難了
最近不知道自己在想甚麼 做甚麼
目標似有似無 動力似有似無
過得充實又不是 那是甚麼 不知道 模糊了吧
哎呀 很忐忑很不自在
實在是太累了
想放假 不是幾天就可以搞定的 可以要一個月嗎
你太貪婪了吧
是 就是因為太貪婪了 如果少拿一個月的錢 現在就不會這樣啦 思想還沒準備好就來 你又不捨說不 活該了你
很想有時間有安靜的空間跟內心的自己對話
究竟你想怎樣嗎 大聲說出來呀 壓在裡頭當然累的 累積成千斤重 說 現在能怎樣呢
如果可以倒帶 把我變回單細胞動物又會如何呢
算了 那是不可能的
"...人是為了活得幸福而來到這個世界上。不是從明天開始幸福生活, 而是從這一瞬間開始。瞬間相連變成了永恆..." (叔本華)
所以我想 要活得快樂自在也是同樣的道理
隨緣隨心非刻意地繼續吧
雖然說現在是模糊了 相信很快就會變回清晰的
 August 23 專注=活在當下?前幾日睇電視聽到呢幾句說話
"食飯時食飯"
"行路時行路"
"飲水時飲水"
...etc
係度諗 自己幾時先可以做到咁呢
食飯時只專注食飯 唔諗其他野 唔做其他野
其實感覺會係點呢
應該會好輕鬆 好自在
我諗我應該有試過掛
例如打iv時 只係專注咁望住條血管要咭仲佢
不過其實都唔係喎 因為我會諗埋如果咭唔中 個病人會有咩反應
如果在搞唔掂 要同事幫手 會諗埋佢地係點睇我ga
講出呢幾句說話ge人話 如果可以做到咁樣就可以感受到活在當下ge感覺
不過要做到每樣野都好專注真係幾難
如果呢個世界冇左誘惑就好la
如果呢個世界冇左壞人 咁就唔洗諗點樣去防備佢地
如果呢個世界冇左追求 咁就唔洗咁辛苦向上爬 但冇乜可能
要活在當下真係咁難??? August 11 無言今日本身要查房
但做做下野
護長話今日查房都唔好咁多人係度
所以調左上去口腔科一日
差唔多要上去戈陣
戈個big ball同我講左一番說話
"其實我第一日見到你已經唔鍾意你個頭
我都話過你整好ga la
今日要查房 調左上去啱晒
都唔想你個頭出現
其實我諗你應該要換下個髮型...."
我忍 我唔出聲 超無奈 o晒嘴 勁?耳
好想同佢講
你憑咩叫要管理我個形象呀
同等級 年資高少少少
雖然對眼突過我 但我肯定視力好過你
日日都夾起晒d劉海 個視野超級清楚
洗唔洗好似你咁扎起d頭髮發亮到好似查左髮蠟咁呀
散左好似d幾十年代d呀姐咁 我先唔要囉
琴日都交左班叫你跟d野ga la 我下午要培訓ma
第二朝自己無左件事又賴我地d新人 你又冇搞錯呀
係咁想搵我地做錯左ge野嚟話
你有冇無聊d呀
做野同表達方法都要我地同你一樣 你以為你講戈d 人地聽落好順耳咩 假到死
點解可以咁唔尊重人ga
簡直就係人生攻擊囉
唔想同呢個人再有交流
唉~諗起就激氣
算 訓醒唔記得 費是激親自己 August 08 忙八月ge第一個星期又過去了
呢個星期係我入識個幾月最忙ge一week
點解未停過 點解咁多唔係常規野做 點解咁多人睇e生 點解e生要開咁多針 點解咁多人種
點解今個星期會訓到唔知醒
點解11號要查房 點解d野平時有更新戈陣唔整理好 搞到依家咁忙ge時候為左查房又忙埋一份
查房戈日點解要十排我呢d新人返工 千祈唔好問到我 做漏左扣分都唔關我事 鬼叫你地要我返工咩
唉....好攰呀
今日仲要我同一個賓賓bb打肺炎鏈球菌疫苗
個bb ge父母又唔按常規時間打 點解呀
搞到我又要打電話問醫生
問完醫生又要同佢地解釋下一次嚟打針ge時間
如果佢係華人咪咩事都冇囉
無奈 搞到我 點解kammy唔係到ga
佢仲要係最打仗ge時候嚟 side晒我d時間
聽日放假真係要好好訓下覺
不過要準備查房ge野真係好煩呀 |
~留言版~
|
||||||||||||||||||
|
|
